復活

復活首先要定一個要還原嘅範圍（立體空間），該空間要以前係有人腦經過，而可還原範圍我會設定為３０cmX３０cmX３０cm，大約一個人腦大細，我需要嘅係只係還原一個人嘅腦，因為本人嘅真身只係個腦部，然後用物件還原技術還原該空間以前經過嘅人腦，然後快趣將還原左返來嘅腦放入人造子宮，否則腦缺氧，透過人造子宮自動將腦部動脈血管接駁到人造心藏為腦部提供血液循環，然後將長生不老藥加入到血液中，使腦部透過長生不老藥令可再生身體次數至無限次而再生返完整嘅身體，當身體完全重生同新生心藏開始跳動就可以同人造心藏分離，復活完成，等候蘇醒。

復活過程-圖1

復活過程-圖2

復活過程-圖3

復活過程-圖4

復活過程-圖5

復活過程-圖6

復活過程-圖7

復活過程-圖8

復活過程-圖9

復活過程-圖10

復活過程-圖11

復活過程-圖12

整個復活過程首先需要成功發明呢三大技術：

《物件還原技術》－－用量了電腦計算物質去向追踪同將物件結構還原，要有一定速度以極短時間即刻計算追踪同還原。

《長生不老藥》－－令細胞可再次重生失缺分部，例如以住當對腳斷左，身體無法自動生出返新腳出來。

《人造子宮》－－有辨別血管功能將人造心藏自動接駁幫助腦部提供足夠養份，令身體自我修復，重生新身體。

生命

你係啲咩?

物質，仲要唔係單一物質，係好多物質，你由物質所組成。當中你並不涉及靈魂，你之所以識諗野，感知到呢個世界，都係一啲邏輯結構上產生出來，個概念大家可以借住電腦來理解自己係咩。

而我諗大家可能會諗，自己同電腦嘅最大分別在於有冇靈魂，但事實你自己同電腦都係冇靈魂，我地先集中在人腦呢個器官度。

腦，其實可以當成一個ｆｕｎｃｔｉｏｎ（），不過呢個ｆｕｎｃｔｉｏｎ（）會識得學習，呢個ｆｕｎｃｔｉｏｎ（）低裡嘅公式會因不同類型外面嘅參數代入（即：五感（眼睛：光，耳仔：聲）或身體某器官傳遞嘅訊號或未知外部影響嘅野嘅輸入（例如輻射等））同自身已擁有嘅參數代入而改變（自身已擁有嘅參數嘅意思可以話係你由出世到現在學到嘅知識，而呢啲參數都可以話係一種輸入，而呢啲參數其實都係腦部呢個ｆｕｎｃｔｉｏｎ（）中某位置公式產生（又或者唔應該講佢成好似公式同參數呢兩樣野，實質係一堆神經元），如果明白我意思嘅話，就即刻諗到件事好似一個循環圈咁，但實質上唔只一個循環圈，亦會有循環圈中圈）。

神經元似function

神經元同器官細胞嘅連接

對話間-第1頁

對話間-第2頁

而呢啲參數代入到ｆｕｎｃｔｉｏｎ（）後，個腦會輸出一啲參數出來，呢啲參數會經過身體某部分而作出個部分嘅功能，例如啲參數到達口部後，口部嘅一啲肌肉進行有技巧嘅收縮，然後你就聽到例如你朋友你親戚講野嘅聲，唔只口部，呢啲參數嘅輸出可以係其他一啲身體嘅動作，大家自己平時嘅舉動，都係一啲輸出，都係一啲腦部呢個ｆｕｎｃｔｉｏｎ（）嘅ｒｅｔｕｒｎ來。

你未出世時響邊度?

參：科學定律無中生有

雖然我暫時解釋到呢個世界點誕生，但你本來就已經響呢個世界，首先，你係食物（你唔一定係某件食物嘅全部，更唔一定係一件食物）＞然後被你呀媽食左落肚＞你呀媽子宮內嘅受精卵開始由你呀媽嘅血管吸收物質（你被你呀媽食左肚經血管遊走，但咁岩游走到被受精卵吸收，個某一件食物有啲部份會被你呀媽其他位置嘅細胞吸引再分裂，個某一件食物有啲部份經大腸屙出來，所以你並唔係個某一件食物嘅全部）（受精卵都係你）＞受精卵會不斷吸收你呀媽不斷食嘅食物嘅物質再分裂細胞，到若剛日子開始分裂手手腳腳同各器官＞然後你就形成嬰兒嘅架構。

你出世之後，都未完完全全係依家嘅你，你出世之後，你開始進食，你細胞透過你嘅進食而吸收物質再進行細胞分裂，而令你開始長大。即係話，依家嘅你，係你出世前，你呀媽食嘅食物，加，係你出世後，你自己食物食物。

你響食物之前你係咩野來呢？如果個件食物係肉類，則可以話你嘅前世就係個隻動物，點解我講〔可以話〕呢？因為你需知道，你，唔包括你手手腳腳，唔包括你啲內藏，唔包括你眼耳口鼻，你，只係個腦，你嘅真身只係個腦（我思擬一個人嘅真身可能係腦嘅某部份，呢點我要再研究下），而我頭先講可以話你嘅前世就係個隻動物要乎合一個條件，就係你食左隻動物個腦，如果你食過動物嘅腦或含動物腦嘅食品，而咁岩你嘅腦細胞吸收件食物嘅物質再分裂新嘅腦細胞，咁部份嘅你嘅前世就係個隻動物，咁個隻動物嘅前世呢？就同你嘅世前差唔多。如果個件食物係植物來，咁我地就睇下植物點吸收物質進行細胞分裂，唔同植物會可以響唔同地方生長，但佢地都一樣吸收佢地身邊嘅物質而生長，有啲響泥土度吸收，有啲響石頭度吸收，有啲響植物度吸收，有啲響動物度吸收，咁你呢，你未係植物嘅食物之前，你就係響呢個世界周圍嘅某部份物質，而呢啲物質曾經可能係屬於某啲動物嘅身軀來，亦都有啲物質到現在依刻都未曾試過成為生物。

死左之後會去邊?

你死左之後可以話係冇郁過嘅，你仍然響呢個世界上，只不過你身體上某啲關鍵性系統崩潰（例如腦細胞冇足夠氧氣或其他必要嘅營養由血液中攝取，例如個腦控制唔到心臟跳），使到你無法感知世界，無法意識到世界，而其他人見唔到你有反應，大家就對人嘅死亡作出一啲演譯，以在生嘅人嘅人際交往都會有來有去，就對死亡加入有來有去嘅觀念，有來有去嘅觀念查實冇錯（你未出世時響邊度?中有講過啲亦之後會再講），但普通人就諗到人未出世前覺得好虛無，人死後嘅屍體慢慢消失好似又進入虛無（其實係其他野嘅侵食（吸收）），所以普通人就諗所為人死後會陰間輪回，是實上係唔會去左咩陰間，你嘅身體其實對於世界上其他生物係營養來的，而大自然嘅力量係未有足夠嘅智慧去保護生命而發生一啲天災可能令你嘅屍體受損，即你死後個身體不同部份會各散東西，

前人有句說話〔塵歸塵，土歸土〕，當我一諗起時，我諗前人可能一早諗通我諗通嘅野，前人已知人嘅生前同死後會點。

有冇轉世?

有，但唔係你所想咁，唔係你所想咁由一個人轉成另一個人，之前響你未出世時響邊度講過，其實你係食物，你唔一定係某件食物嘅全部，更唔一定係一件食物，即你死後，你腦部嘅唔同部份會經過好多個唔同嘅環節（環節當中可能消成灰，然後隨風漂到泥土，泥土上嘅植物吸收在泥土上嘅營養，植物結成果實），去到變成食物，而唔只係轉變成某一個食物，而係轉變成多好多個食物嘅某一部份，然後被多個動物食落肚，就有機會成為食食物者嘅一部份或食食物者嘅ＢＢ嘅一部份，但你未必一定成為該動物或該動物嘅ＢＢ，因為可能你會成為一督屎或一督尿或其他身體分秘物嘅一部份被柯出身體外又要再去到大自然經過好多個唔同嘅環節再變成食物等被動物再食，如你要成為該動物或該動物嘅ＢＢ，你要成為該動物或該動物嘅ＢＢ嘅腦部其中一部份，先會係你嘅轉世嘅其中一個動物，而該動物嘅腦嘅其他部份就係可能係死左嘅動物同可能係之前未試過成為動物嘅死物來，所以你嘅轉世部份係可能會同時成為多個人嘅部份同多個其他動物嘅部份同可能永遠成為唔同嘅死物，即你嘅轉世可能係同另一個人嘅轉世來（當然可能唔只兩個人同唔一定係人）。

咁你可能會覺得自己係幾個動物嘅轉身可能好難理解，明明自己依家個感覺係一個人來，又點會係幾個人來？又或者你今世死左轉世之後變成幾個動物嘅感覺會係點？

試諗下自己被切成兩份感覺會係點，當切成左右兩份，你感覺唔到左邊身體，你感覺唔到右邊身體，你唔知左邊身體諗緊咩，你唔知右邊身體諗緊咩，咁樣相信大家好難明，我再畀另一個例子再解術返，例如你自己依家其實係感覺唔到你嘅朋友嘅五感，你朋友食緊野你感覺唔到個食物咩味，你朋友中槍你感覺唔到槍傷嘅痛楚，相反，你朋友都感覺唔到你嘅感覺，按此，如果你同你朋友合體，你會感覺到你朋友嘅感覺，你朋友又感覺到你嘅感覺，你會知佢諗緊咩，佢又會知你諗緊咩，但正確啲來請，你緊係知你自己諗乜，因為你兩個合埋左，咁你同佢同時擁有對方記憶，你又係你佢又係佢，你又係佢佢又係你，感覺會發生乜事？例如，你見到你呀媽個時，你會好自然叫你呀媽做呀媽，當你見到你朋友嘅呀媽，你會好自然叫你朋友呀媽做呀媽，如果你老婆．．．（你自己諗，唔好同主題ＦＦ得太遠，適可而止），如果你朋友查實係個女仔．．．（你自己諗）。總之，你同佢識得嘅人，你同佢識得嘅人嘅感情，都會交織一起。如果你同佢識得嘅人，設此人叫甲生，咁岩甲生同你感情唔好，甲生同你朋友感情好，咁就要睇幾岩感情唔好同幾岩感情好，如果感情唔好嘅數值與感情好數值相約，咁你同你朋友合埋一齊之後對甲生嘅感情會又愛又恨，如果感情唔好嘅數值大過感情好數值，則你同你朋友合埋一齊之後對甲生嘅感情為較恨，如果感情唔好嘅數值細過感情好數值，則你同你朋友合埋一齊之後對甲生嘅感情為較愛。好，再解釋返先頭講嘅野，例如你依家要同你朋友分返開，分開左之後，感覺會係點？就差唔多同將自己切成兩份之後嘅感覺一樣，然後再試下諗下自己被切成四份感覺會係點，再諗下自己被切成無限份感覺會係點。

可能會好難明，但你要知道你唔係一個，你唔係所為嘅靈魂一個，你係可以好散好多個，你需要打消你過住對生死嘅想發，打消你過往別人帶畀你聽生死概念，唔好對生死有錯誤嘅理解，錯誤理解會令人以為去死可以投胎重新做人，增加自殺率，個啲咩野父或母想尋死就捉埋子女將佢地推哂落樓先再自己跳樓自殺，以為家人被自己推哂落樓死可以再做人，唔緊要，死即，戇撚鳩鳩，錯誤理解會令人以為可以為左想食肉就諗一大堆借口畀啲小動物聽，下次頭投胎唔好再做呀豬呀狗畀我食啦，就以為可以走去殺啲小動物來食冇錯，低鳩能，一唔明白正確嘅資訊就被錯誤嘅資訊引導到行左錯誤道路，害死更多嘅人，害死更多嘅動物。

之所以現今流行嘅人類文明都咁難理解自己係咩，或錯誤使用靈魂來解釋自己嘅由來，都因為覺得自己係一個。大家需要搞清自己依家嘅印像，搞清自己依家嘅感覺，搞清左之後先可以理解到呢個各樣野嘅真相，唔會做錯決定。

你同死物嘅分別

排除結構嘅分別，你同死物係冇分別，你只係有邏輯結構嘅死物，你本來就係啲死物來，死物同生物分別在於結構問題．當中唔涉及靈魂，靈魂係一般人對自己嘅誤解。

有冇靈魂?

冇，靈魂係一般人認為動物異於死物嘅錯誤理解，一般人透過觀察死物認為物件係唔會識自己旭，而諗到自己嘅身體其實都係一件物件（聰明，但聰明唔哂），就認為身體都係唔會識自己旭，而認為物件旭係因為有啲野去操控住佢先識得旭，一般人又一直係可以操控住自己身體，所以一般人就覺得自己其實係操控住自己身體呢件物件，就開始諗自己係啲乜，覺得自己好似係一啲見唔到嘅野，係一個非物質嘅野，身體同自己係兩樣野，可以脫離身體嘅野，身體只係一個容器，透過身體便於在世間上操作其他野，透過身體畀人知道自己嘅存在，個尻腦就諗撚歪哂認為自己呢樣野叫〔靈魂〕。 有啲人可能話見過〔鬼〕，我諗佢地見到嘅只係外星人而已，外星人未必得一種，而程現嘅型態未必係大家日常生活中所見到其他動物嘅物質結構型態，可能有其他物質結構都可以構成有邏輯結構嘅物質結構型態。

物件還原技術

普遍人類腦部大細

物件還原技術原理

世界係得一條軸，即物質嘅結構變化至今，都係之前嘅結構演變出來，即我地可以觀察現今某咋物質嘅結構同位置，來去推測過去嘅此咋物質嘅結構同位置。

例如我地依家１２：００：００有一個正立方型木頭，此正立方型木頭正中心位於（Ｘ：１５，Ｙ：１５，Ｚ：１５）坐標，我地在１２：００：０５將此正立方型木頭移到（Ｘ：０，Ｙ：０，Ｚ：０）坐標，然後在１２：００：１０去觀察以（Ｘ：０，Ｙ：０，Ｚ：０）坐標為中心起計為剛好該正立方型木頭嘅大細範圍，我地應該會觀察到前５秒時，此正立方型木頭仍在（Ｘ：０，Ｙ：０，Ｚ：０）坐標，而如果我地觀察前１０秒的話，我地應該觀察到此正立方型木頭在（Ｘ：１５，Ｙ：１５，Ｚ：１５）坐標，當然咁樣講講得簡單左，仔細的話應該會當中某部份物質有啲已跌走到世界周圍同可能之後有啲物質先新加入來，可能有啲正立方型木頭嘅物質黐到手上有啲手細胞黐到正立方型木頭上。

一開始試下定一個細啲嘅空間（試下還原細啲嘅野先），然後試下還原個空間內前一秒或更少時間嘅物質（例如將個杯打爛然後還原返去未打爛之前），當成功掌握物件還原技術後（能夠還原幾耐之前嘅野就要睇量子電腦運算速度同要還原嘅空間大小）（物件還原技術係本大剛關鍵），開始要提升可還原時間長度，由前一秒，再前一分鐘，再前一個鍾，再前一日，再前一個月，再前一年，再前一個世紀。

當我地搵到相應時間嘅物質嘅位置後，我地就要諗辦法將啲物質移動至某時嘅位置，咁就會成功還原物件。

本大剛之前嘅位置已經解釋生存同死亡嘅分別只係物質結構上嘅分別，即如果我地可以諗個方法將死者去還原返仲生存緊嘅結構型態，死者就能夠再次生存。

呢個世界到現在係由以前嘅歷史顯生出來，係歷史顯生現在，因為有以前嘅野所以有依家嘅野，之前嘅野嘅流動成依家嘅野，以前嘅野就係依家嘅野，係同樣野，呢個世界係得一條軸，一條時間線，係冇任何分支，係唔會有啲咩：〔你嘅選擇導致分裂成兩個唔同嘅乜野平衡世界，或者Ｎ個世界（Ｎ為Ｎ個選擇）〕，你未免睇自己睇得太大喇瓜，如果世界係咁，咁其他人都有決擇格，咁人人都決擇，咁每秒鍾米有好Ｑ多分支，同埋得人先有決擇？其他動物都係有自己嘅決擇格，同埋決擇嘅定義係咩？一定係一個問題然後再作出決擇？其實大家每行一步每一個支體舉動，都係個決擇來，即大家每秒已經作出好多決擇，咁，其實我地響無限分之一秒後（個平衡世界嘅分支多到我用無限來形容算係非常之保守啦），你面前嘅人或你面前嘅朋友或你面前嘅親人，仲係米你認識嘅人呢？仲係米你認識嘅佢本人呢？

其實你嘅決定係整定，大家需要理解呢個世界係冇如果，〔如果〕只不過係你腦中放入一啲未知嘅參數對世界進行各項可能數值嘅模擬，〔如果〕只係你嘅記憶模擬，而你嘅選擇必然係整定，你會感覺到你嘅決定有自主嘅決擇，但事實係整定。

大家可以當呢個世界有本無形嘅劇本，你感覺自己好似自己決擇緊，而其實你永遠都係跟住個劇本去行（〔跟住〕呢個字有啲以人化左），你嘅感覺係冇跟住個劇本去行但會同劇本一樣咁發生，而劇本呢樣野係世界上所有嘅野（例如：物質，能量等等），意思係你都屬於呢本劇本嘅其中一頁紙嘅某部分，劇本呢個比喻可能某少少位比喻得唔係太適當，但可能會容易理解啲，有人講過〔天人合一〕呢個詞語，我諗佢所指嘅，可能就係你係天嘅一部份，大家都係天嘅一部份，而天會點樣安排人嘅命運，其實係世界萬物（包括你自己）去安排各人（包括你自己）嘅命運，而以〔安排〕來形容其實係擬人化左，而〔天〕我諗都係擬人化左。

所以我唔係太認為可以實現時空穿越，因為所謂〔之前〕同〔依家〕同〔未來〕，都只係物質流向左唔同嘅位置，〔之前〕同〔依家〕同〔未來〕都一樣存在同一數量嘅物質(基於質量守恆定律——物質唔會無中生有)，如果一個人時空穿越到過去，咁穿越個一下嘅時間，個世界突然冇左一堆物質，而過去嘅時間突然多左一堆物質，即是同一堆物質重復左在同一個時間。

我都有諗過會唔會其實世界上所有嘅物質其實係同一粒物質，世界上只有呢一粒物質，只不過呢一粒物質不斷時空穿越，造成在同一個時空上存在好多物質。如果事情如是，雖然可以時空穿越，但歷史依然係唔會被改變到，原因係你現在身處嘅歷史就已經被時空穿越到過去嘅野所影響左，即，當刻如有人由未來穿越來，就有人由未來穿越來，當刻如冇人由未來穿越來，就冇人由未來穿越來（絕對冇人來。如你會問：第時可能有人穿越來呢？只係你在錯誤嘅位置放置了時間。原因你在當刻放置了第二重時間，本應當刻就係當刻，冇野叫當刻嘅當刻同當刻嘅第時，個問題本應係冇時間差，你可能會應為我錯誤理解左你問嘅〔第時〕，我諗你會話你問嘅第時係指大家到左未來一刻，（設未來為２０２０年１月１日，過去（當刻）為２０００年２月２日）今日就當係２０２０年１月１日，有人響今日穿越到過去，你會話咁米即係第時有人穿越到過去（當刻），你會話之前米冇人穿越到過去（當刻），你會話依家米有囉。你認真再睇自己條問題自己嘅說法，你會發現你將〔過去（當刻）２０００年２月２日〕加左之前同之後嘅分別，呢樣野就係我講緊嘅你在當刻放置了第二重時間，本來應該係冇分別嘅野，大家好自然加入左時間嘅分別，原因係大家好時常自然將自己成為世界嘅主體（主角），樣樣事情由自己位置出發（仲要係當刻嘅自己上出發，當以前嘅自己係另一人（我知唔係特登去當）），而產生嘅錯誤）。

不過響同一個位置其實並唔係真係同一個位置，原因地球係圍住太陽轉，而太陽由圍住銀河系個黑洞轉，而個黑洞暫時未清楚有冇移動，或者我地實質響宇宙邊個位置都唔清楚。所以物件還原技術運算當中需要加多個相對位置差，地球響之前同現在嘅相對位置差。

要知道復活位置

都仲未計錯估被復活者曾生活過嘅位置嘅誤差，呢個誤差可能會搞到還原唔哂個腦（個腦側埋左一邊，超出還原範圍）

復活嘅好處

可以將被為亡人記在返歷史中，首先，我地將最接近現在時間嘅死亡時間嘅死者復活先，然後再問已復活嘅死者其他佢地所知道嘅死者臨死前或生存過嘅位置（盡可能要復活在死者最接近臨死前嘅時間，如果唔係就好多問題發生），我地再到達個啲死者臨死前嘅位置再復活另一啲死者，不斷重復問再復活再問再復活，當中可能會復活重復同一人，例如不同人認識同一人但不同人之間互不認識，而死者在不同人有不同嘅自稱（如假名或別人名），所以機乎係必須復活最接近臨死前嘅時間，但有啲情況好難搵到死者臨死前個幾分鐘嘅位置，例如臨死前得自己一個無人知無人發現，或者臨死前只同殺死自己嘅人一齊（照計殺人嘅人唔會講出被自己殺嘅人死前嘅位置），或者明明見證住死者臨死一刻但又冇任何人記得死者呢一人或冇任何人記得死者臨死前嘅位置，

復活嘅壞處

長生不老藥

長生不老藥嘅可能性

長生不老藥係絕對可以出現面世，首先，我地要清楚理解，衰老，其實要當成一種遺傳病（唔知係米基因缺陷定點），我地要治療呢隻病，我地就假設幾樣野，來睇下長生不老個可能性同搵出無可能出現長生不老嘅說法當中嘅某誤。

如果動物衰老係必然嘅話，咁，衰老係指身體細胞會隨住分裂次數愈多而開始性能下降，而女性生出一個Ｂ，其本上屬細胞分裂一種，如細胞分裂愈多次就會愈老，則，年老女性生出一個Ｂ，咁個Ｂ米都係老人家來，但大家見到並非如此，就例如四十幾歲嘅女性生出來嘅Ｂ嘅樣唔係四十幾歲嘅樣，個Ｂ亦都唔會得返五十幾年命（假如人類壽命一般一百歲左右），點解呢？我地就當衰老係局部性，即，當一個四十幾歲嘅女性，皮膚細胞四十幾歲，可能佢腦細胞三十幾歲，而卵巢嘅卵細胞一歲都冇，咁嘅話就有少少講得通，即，每繁殖下一代就會有少少老，最後都因為ＢＢ一出世就會好老好快死就無法再繁殖下一代而全地球生物滅亡。真係咁？

如果動物衰老係必然嘅話，咁，最後生嘅細胞係點樣練成？唔通係神先可以練成？如果係神先可以練成嘅話，咁神有啲乜野原因要製做出會因衰老而全世界最終滅絕嘅生物？好得閒？好好玩？照計就唔會，定真係呢？如果真係，咁大家因衰老死亡所產生嘅痛苦米係由神一手想造成，定神都唔想製做出會衰老嘅生物，係連佢都冇辦法？

平時一個成年人嘅細胞係唔能夠再次生出某啲器官，大家比較易見到嘅例如斷左隻手嘅人，佢嘅身體係唔識得重生再生過隻手，或者盲左嘅人，佢身體唔識得修復好返對眼。

但如果去睇其他動物，佢地有啲類似人類同樣功能嘅器官係可以重生，例如蠏隻手斷左，佢地身體係識得重生生返隻手（當然蠏同人隻手嘅結構好唔同），而斷極都可以生，唔似人類嘅牙再生係有次數，不過人類嘅頭髮都可再生，咁，即係其實細胞當中某啲唔知野來去定立細胞分裂次數，但大家可能會諗到，真係必有次數限制咩？咁平時啲細菌分裂至今，好明顯佢地分裂次數係無限，細菌都係細胞，咁人體嘅所有細胞其實應該都可以無限分裂。

冇左唔係真係唔會再生，冇左唔係真係冇左，

其實到現在為止，已經有人搵到一種生物係長生不老，呢種生物叫〔燈塔水母〕

長生不老藥嘅定義

我之前同過我呀媽講好快就有長生不老藥出現時，我呀媽第一反應係：〔咁全世界所有人米好辛苦，想死又死唔到，不斷被病魔折磨，老到又唔郁得〕，唉，點會諗到咁樣，都話長生不老藥，唔係長生不死藥。方間對長生不老藥嘅誤解，都以為長生不死，或衰老停止（就算食完都唔會變返後生），長生不老藥食完都係會死，不過佢唔係老死，而係可能病死，撞車死，燒死，跳樓死，中風死等等．．．

點為之長生不老藥，長生不老藥嘅定義，必要能夠將人（或動物）由衰老細胞嘅自我修復功能情度變返後生細胞嘅自我修復功能情度，而後生細胞嘅自我修復功能情度並唔係十八廿二嘅細胞嘅自我修復功能情度，要比十八廿二再後生，亦都唔係初生嬰兒細胞嘅自我修復功能情度，而係要去到未出世之前嘅細胞自我修復功能情度，即係可以生出所有器官嘅細胞狀態，仲要永遠有再生能力，再生完器官比成年人器官有更高運作效率。

長生不老藥一旦出現，年老樣貌變成年輕樣貌，佢可以治療世間上好多種唔同嘅終生病患，燒傷而一世皮膚潰爛者會全御，其他一啲皮膚病都會全御（會有啲皮膚病需要再加額外療法先能全御，例如需要先清理皮膚上嘅細菌）（有啲響未服用長生不老藥之前係長期唔康復嘅皮膚病會一日內全御），盲人會恢復視力，失去四支嘅人可以行返路寫返字，。

但長生不老藥不能治療由基因引起嘅先天性缺陷，例如基因中冇寫到有眼睛，長生不老藥係唔能夠令呢個基因嘅人生出眼睛，長生不老藥只係令身體應有嘅功能永恒維持原本功效。

如果冇左心臟或心臟損壞得太利害嘅話，長生不老藥都冇咩效，需要幫呢位傷者插個暫時性嘅人工心臟先有得救，要先令身體各細胞有營養供應，心臟非常重要，當身體各細胞有營養供應後，就能夠由長生不老藥令身體再次生出或修復心臟，到心臟完全康復後，心臟會可以再開始彈動，將血液流動，暫時性人工心臟可以拔除，如果延腦出事，都可能會令心臟停頓，都需要暫時性人工心臟令身體可以自我修復延腦，之後先夠能康復。

長生不老藥嘅好處

一直以來人類不停追求年輕樣貌，人類為左變返年輕樣貌不惜一切進貢金錢購買所為護膚產品，購買所為保健產品，畀錢買一啲療程所為能改善膚質，導致愈搞愈差，畀錢買難受，再畀錢去補救，再買難受，最終接受所為嘅現實，然後死亡，下一代再延續歷史循環，為左要終結呢場歷史循環，長生不老藥係必需要，有左長生不老藥就可以解決為左尋求年輕樣貌而帶來嘅痛苦。

好多時候，一對夫妻愈係年老就愈多嘈交，少不免都係因為大家個樣已經唔靚，而人係需要追求睇啲靚嘅野得意嘅野，例如貓貓狗狗ＢＢ，一見到就開心，就算貓貓狗狗ＢＢ響你張牀到屙屎屙尿，你都覺得貓貓狗狗ＢＢ唔識去廁所屙屎屙尿都幾可愛，如試下將貓貓狗狗ＢＢ嘅平日舉動放上一個麻甩佬嘅樣，大家就唔會再模佢攬佢，反而想即刻將佢就地正發😄，所以如果對對夫妻已接種長生不老藥後，大家嘅樣貌就唔會隨着年齡而唔靚，對對夫妻都有着靚嘅樣貌畀對方不斷吸引住，當做左啲令對方非常討厭嘅野時，一望見對方嘅樣貌就覺得唔係真係咁討厭即。正所為齊家治國平天下，咁對對夫妻因長生不老藥而對對方包容左，即個國家已經齊到家，即可以去治國，然後平天下。

傷殘人士響世界生存得好痛苦，佢地可以話係永世都無法回復原狀，天生傷殘就永世無法響受正常人生活，呢度響傷殘人士生理上造成巨大不便，呢度響傷殘人士心理上係極巨大嘅痛苦，，社會上需要為傷殘人士設置傷殘設施同傷殘資助，問題不只於傷殘人士自己，正常人都有負擔，所以永久傷殘係需要終止，而長生不老藥係最終解決辦法。

往往因為人嘅衰老，有好多前人經歷過好多難遇嘅環境而學習到嘅珍貴智識，失傳或傳錯而消失，有啲知識係需要經歷過某啲野再先經歷另一啲野先會有機會學識，所以本來就好難識嘅野，仲要每格幾十年將知識一代傳一代，仲要後人需要有一定程度高嘅實力先可以承繼到，有時未必偶到有實力嘅後人來承繼，或者就算偶到，佢都未必願意承繼，所以衰老問題必定要解決，長生不老藥必定要發明出來，如果唔發明長生不老藥，最接近可以解決智識失傳問題嘅方法，只有在人死之前將人腦嘅所有資料（或叫記憶）放入電腦（據我所知Ｇｏｏｌｇｅ研發緊），由電腦運行個人腦，會好似同朋友傾電話咁同電腦運行緊嘅人腦嘅人傾計，學習知識，呢個方法有個好處，就係可以唔會因為前人嘅不斷學習新野而忘記要承傳嘅知識，但呢個方法就唔能夠制止前人衰老死亡。

老係一種病

而有啲前人試過幫自己嘅君主死後用某啲方法使君主條屍唔會腐爛，到依刻仍然保存（例如：古埃及法老 - 圖坦卡門、秦國皇帝 - 趙政（秦始皇）），但我認為前人係有目的咁做，而佢地嘅目的唔係只係為左令君主條屍永遠唔會被大自然分解咁簡單，我認為佢地係真係想令君主永遠，但唔係永遠君主條屍，而係永遠君主生存，前人係諗住想將君主條屍盡可能保存到能夠為君主治療（大家會叫〔復活〕），所以前人點解起個咁大嘅陵墓同咁多個機關防止其他人進入，係因為佢地要等到世界嘅科技有能力復活君主嘅人進入，未有能力復活君主嘅世界嘅人進入陵墓只會破壞君主嘅驅體。

在書中較前位置已經解釋過我地嘅由來我地係啲咩，其實我地能夠生存，能夠變到依刻結構型態，，只需變返呢個，，我地可以諗個方法將死者去還原返仲生存緊嘅結構型態

即，我地應該能夠再次去返我地理想嘅結構形態，依家我地啲唔理想嘅身體結構型態已經識分裂出

唔係真係想像中壽命或者新生命由陰間呢啲好虛無嘅地方而來，唔係真係如要延長壽命要搵新生命或比自己後生嘅人來啲乜野轉移或偷取壽命（例如定期捉啲少女去活摘器官出來換到自己身上來延長壽命）。

人造子宮

人造子宮作用

人造子宮用作模仿未出世生長環境，因為一個人由未存在到出世生存都係在子宮內進行，即係子宮係有某啲功能可以輔助另一個人體提供生存環境，將冇能力自我復原身體或重要維生器官缺失去恢復完整個體兼回到健康狀態。但未出世嬰兒在子宮中係仲有胎盤同臍帶連接肚臍，即人造子宮要有齊子宮、胎盤、臍帶嘅功能。

而當中人造臍帶有啲複雜，因為死者有可能冇左肚臍範圍嘅組織，例如如果得返個頭冇哂整個身體，咁臍帶需要連接去邊？我諗應該可能係連接腦動靜脈，但當身體生返出來後，腦動靜脈同腦動靜脈周邊組織可能就會被臍帶塞住，可能？身體會唔會有彈性可以自然擴寬呢啲組織，當切斷人造臍帶後，會慢慢自然收縮至正常大小，或者期間可能需要參考臍帶嘅做法，人造子宮需要令接駁中嘅血管，由肚臍嘅位置走出至人造心藏，方便之後同人造心藏分離，不過呢方面需要再深入啲去研究下，我暫未有睇法。

子宮-圖1

子宮-圖2

話說到此，整個復活中，聽起來好似其實同長生不老藥同人造子宮等發明冇乜關係，好似有冇長生不老藥都可以復活，只需要將量子電腦運算速度加快，直接還原整個人體就可以，唔使只將人腦還原再生新身體，直接有物件還原技術都可復活，唔使要發明多個技術（長生不老藥同人造子宮等），直接發明物件還原技術就可。但如果只發明物件還原技術，冇長生不老藥同人造子宮等發明，被復活者始終有日會因衰老致死，物件還原技術只係可以將被還原物還原至還原點時間嘅結構，即還原點時間嘅被復活者當年係三十歲，被復活者被復活後嘅結構係三十歲，記憶只到還原點時間當刻，而當被復活者衰老死後，還原同樣還原點時間，被復活後嘅結構係三十歲，但記憶都係還原點時間當刻，被復活到衰老死之間嘅記憶係冇，唔係冇左，而係仲未有，要有返個段記憶就需要還原衰老死個一下時間嘅身體結構，但還原衰老死個一下時間係冇必要，因為下一秒就死，有咩用？我地需要嘅係有健康身體嘅被復活者，復活佢返來係要佢可以繼續生存落去，仲要唔係要一直衰老嘅身體生活落去，咁冇意思，所以最後都仍然要解決衰老問題，始終都需要發明長生不老藥同人造子宮等發明，不單只被復活嘅死人需要，仍生存嘅人都需要，即長生不老藥同人造子宮等發明絕對係物件還原技術先要完成嘅發明，冇前者發明都係未可以復活住，復活左都只會係死路一條。再者，長生不老藥原本就會重新生返冇左嘅器官，而物件還原技術要還原多尐尐空間，要計算嘅量分分鍾都以幾何等級咁上升，咁樣可能要再等到量子電腦更高速先可以進行復活，到時已經唔知係幾耐之後嘅事，所以要還原嘅空間係盡可能有幾細得幾細，而腦部先係人嘅真身，總合來講只還原個腦再畀佢自己生返個身體係最可行嘅方法。

未寫完